BOAS FESTAS E FELIZ 2018!

Nadal

Aquí vos deixamos algunhas imaxes do nadal no CEIP Monseivane. Tanto o belén como a árbore de nadal están relacionados co proxecto "A volta ao mundo". Tamén vos mostramos imaxes do festival e da visita do rei mago. 

BO NADAL A TOD@S!

Por un mundo sen violencia

A continuación presentamos o traballo que fixo o noso colexio en contra da violencia, que se celebra o próximo 25 de Novembro onde participamos todos os nenos e nenas e fixemos un mural con mensaxes en contra da violencia.

Samaín e Magosto

O pasado 1 de Novembro festexamos pola mañá no colexio  o Samaín, onde fixemos diversas actividades: disfrazámonos, fixemos unhas cabazas terroríficas, bailamos, fixemos una obra de teatro e tamén fixemos adivinanzas e os maiores contáronos un conto titulado " O colexio embruxado". Déixovos algunhas fotos para que vexades o ben que pasamos:

E pola tarde, festexamos o Magosto, onde asamos e comimos as castañas e xogamos a xogos populares típicos do magosto. A nosa compañeira Susana entregou os premios ás cabazas máis terroríficas, traballadas e orixinais.

Curso de soporte vital básico e outras técnicas de primeiros auxilios

O pasado luns, 30 de outubro, visitounos a doutora e antiga alumna do centro, Pilar Teijeiro Blanco, onde explicou para os alumnos de cuarto, quinto e sexto unhas nocións básicas sobre reanimación cardiopulmonar. Estivo xenial e aprendemos moito, gracias Pili!

Visita Phileas Fogg

O pasado xoves 19 de Outubro visitounos o elegantísimo Phileas Fogg para contarnos a súa viaxe e convidarnos a acompañalo, aproveitamos para sacarnos unhas fotos con el e tamén nos deixou os nosos pasaportes para poder comezar esta trepidante viaxe.

BENVIDOS!

BOA VIAXE NESTE CURSO 2017/18

Fin de curso

Os días 22 e 23 de xuño festexamos o remate do curso cunha tarta de "Bo camiño", un brindis cheo de bos desexos e moitos xogos na festa da familia.

Esta mestra, titora de 5º e 6º, despídese moi contenta e orgullosa dos seus alumnos. Quero desexarvos a todos moitísima sorte e un bo camiño cheo de cousas boas. Felices e merecidas vacacións!

IRENE

Visita Feiraco

O pasado 14 de xuño, os nenos e nenas de 4º, 5º e 6º viaxaron ata Ames para visitar a planta de Feiraco. Alí viron como se envasa o leite, recibiron unha charla e tamén almorzaron un iogur. 

Entrega premios Escola de Prensa

Hoxe, 20 de xuño, os peregrinos de Moreda recibiron o premio ao mellor xornal de primaria no concurso Escola de Prensa do Progreso. Premio moi merecido dado o esforzo e traballo dos nenos. PARABÉNS, equipazo, e parabéns ao resto de gañadores!! Gracias a todos os que colaboraron, xa que sen eles non sería posible, e tamén ás familias que foron de gran axuda ;)